کوئٹہ: وزیراعلیٰ بلوچستان نواب ثناء اللہ خان زہری نے کوئٹہ شہر سمیت صوبے بھر میں حفاظتی اقدامات کو مزید موثر بنانے بالخصوص رمضان المبارک اور عید الفطر کیلئے سیکورٹی کے غیر معمولی انتظامات کرنے کی ہدایت کی ہے۔

گوادر : گوادر پولیس کی کاروائیاں ، انسانی اسمگلر و منشیات فروش گرفتار ۔ بغیر سفری دستاویزات کے بیرون ملک جانے والے دس افراد بازیاب و منشیات برآمد ۔

سبی: کینسر جیسے موضی مرض کا خاتمہ ناگزیر ہے،سبی کے درجنوں نوجوان کینسر کے مرض میں مبتلا ہوکر جان کی بازی ہار چکے ہیں،وفاقی و صوبائی حکومت کینسر کے بڑھتے ہوئے مرض کے خاتمہ کے لیے ہسپتال کے قیام کو یقینی بنائے۔

وفاقی وزیرداخلہ چوہدری نثارعلی خان نے وزارت داخلہ کو چینی شہریوں کو ویزے کے اجرا کے نظام پر نظرثانی اور پاکستان میں موجود چینی باشندوں کا ڈیٹا بینک بنانے کا حکم دےدیا ہے۔

خضدار : بجلی کی بندش طویل اور غیر اعلانیہ لوڈ شیڈنگ ،ایکسین کیسکو کی جانب سے زمینداروں کو حراساں کرنے اور کیسکو عملہ کی جانب سے زرعی ٹیوب ویل مالکان سے مبینہ ماہانہ بھتہ مانگنے کے خلاف زمینداروں نے باغبانہ کے مقام پر کوئٹہ کراچی قومی شاہراہ پر رکاوٹیں کھڑی کر کے روڈ بلاک کر دی۔

کوئٹہ : بلوچ ہیومین رائٹس آرگنائزیشن کے ترجمان نے انسانی حقوق کے معروف کارکن اور وائس فار بلوچ مسنگ پرسنز کے چیئرمین نصراللہ بلوچ کی پولیس کے ہاتھوں گرفتاری کی مذمت کرتے ہوئے کہا کہ انسانی حقوق کے کارکنوں کی جدوجہد کا راستہ روکنے اور انہیں خاموش کرنے کے لئے صوبائی حکومت مختلف حیلے بہانوں کا سہارا لے رہی ہے۔

گنداواہ : صوبائی وزیر داخلہ میر سرفراز خان بگٹی نے کہا ہے کہ لیویز شہید اہلکار محمد رمضان کی قربانی رائیگاں نہیں جائے گی۔شہید نے جو قربانی دی ہے اس پر ہمیں فخرہے وہ ایک بہادر ،نڈر لیویز اہلکار تھے اور اپنے فرائیض منصبی سر انجام دیتے ہوئے شہادت نوش کی ہے محکمے کو اس پر فخر ہے۔

کوئٹہ : پاکستان تحریک انصاف بلوچستان کے رہنماء سردار یار محمد رند نے کہا ہے کہ سارنگانی کشیدگی میں جانبحق لیویز اہلکار کے پسماندگان کے لئے مروجہ پالیسی کے مطابق تمام مراعات کے ساتھ ساتھ خواتین و بچوں سمیت بے گناہ افراد کی شہادت اور جرم کا تعین کئے بغیر بے گناہ لوگوں کے گھر منہدم کرنے کی پاداش میں ڈپٹی کمشنر جھل مگسی کے خلاف مقدمہ درج کر کے انصاف کے تقاضے پورے کئے جائیں ۔

کوئٹہ : پشتونخواملی عوامی پارٹی کے صوبائی سیکرٹریٹ کے جاری کردہ بیان میں کہا گیاہے کہ نادرا حکام ضلعی سطح پر قائم کی گئی بلاک شناختی کارڈوں کی کمیٹیوں کو فعال کرنے اور ہر مہینے ان کے اجلاسوں کے انعقاد کو یقینی بنانے کیلئے مزید اقدامات کریں اور جن بلاک شناختی کارڈوں کو کھول دےئے گئے ہیں انہیں متعلقہ افراد کو جاری کیا جائے ۔

کوئٹہ: سیکورٹی فورسز کے عملے نے بلوچستان کے علاقے کوہلو میں ملک بھرمیں جاری آپریشن ردالفساد کے تحت کالعدم تنظیم کے ٹھکانوں میں کا رروائی کر کے بھاری مقدار میں اسلحہ ، گولہ بارود، بارودی سرنگیں، مارٹر گولے برآمد کر کے قبضے میں لے لیا ۔