کوئی فرد حرفِ کل نہیں ہوتا، ہرکسی کو مشورہ و رہنمائی درکار ہوتی ہے۔ حوصلہ افزائی خوابیدہ صلاحیتوں اور جرات کو مہمیز دے کر آپ کی ذہنی صلاحیتیں اجاگر کر کے کامیابی کی شاہراہ پر گامزن کرسکتی ہے۔ والدین اور اساتذہ سے لے کر آپ کا حوصلہ بڑھانے والے موٹی ویٹر اسپیکرز تک، ہر کوئی آپ کی رہنمائی اور حوصلہ افزائی کررہا ہوتا ہے۔ کسی کی کہی گئی کوئی بات دل پر اثر کر جائے تو وہی آپ کی کامیابی کا سنگ میل ہوسکتا ہے۔ دانشمندی سے کام کرنے کی صلاحیت اور ایمانداری و سچی لگن سے کامیابی کا حصول ممکن ہے۔ اپنے کام سے محبت اور انتہائے کمال پانے کی کوشش کا تعلق آپ کی اپنی ذات سے ہے۔
اپوزیشن جماعتوں کے حکومت مخالف اتحاد پاکستان ڈیمو کریٹک موومنٹ میں شامل وفاق گزیدہ دو بڑی سیاسی بلوچ قوم پرست جماعتیں نیشنل پارٹی اور بلوچستان نیشنل پارٹی دیگر اپوزیشن جماعتوں کی طرح ملکی سیاسی اکھاڑے میں طالع آزمائی کر رہی ہیں۔ یہ جانتے ہوئے بھی کہ اس سے قبل ایم آر ڈی اور اے آر ڈی کی تحریکیں مشروط منتخب حکومتوں اور کنٹرولڈ جمہوریتوں پر منتج ہوئی ہیں۔
وہی حالت اب بھی ہے جہاں انسان کو شعور نہیں تھا، جہاں انسان باقی جانوروں کی طرح ایک جانور تھا لیکن وقت کے ساتھ ساتھ اس کو چیزوں کی پرکھ ہوئی اور رشتوں کی پہچان ہوتی گئی اور ایک معاشرے کی تشکیل ہوتی گئی۔ اْس معاشرے میں اْس حیوان کو ایک نیا نام ملا، مثلاً سماجی جانور۔ پھر انسان ماورائیت و مابعد اطبعیات و دیومالائی دور میں داخل ہوکر ایک ایسے نکتے پر آن پہنچا جہاں اس نے سوچنا شروع کیا اور سوال کرنے لگا۔ پھر وہ مادیت کی اولیت کو تسلیم کرتے ہوے معاشرے کی حقیقتوں کو ڈھونڈنا شروع کردیا اور یوں فلسفے نے جنم لیا جہاں مایٹس شہر میں تھیلیز نامی شخص نے کہا کہ دنیا کی ہر چیز پانی سے وجود میں آئی ہے۔
رقبے کے لحاظ سے مملکت خداداد کا سب سے بڑا صوبہ بلوچستان ترقی کے حوالے سے سب سے پسماندہ ترین صوبہ ہے۔ گورننس کے فقدان کی وجہ سے صوبے کے عوام کو صحت عامہ سمیت بنیادی مسائل درپیش ہیں۔ بلوچستان میں اب تک کوئی ایسا سرکاری یا غیر سرکاری اسپتال موجود نہیں جہاں بہتر علاج کی سہولیات میسر ہوں۔ بلوچستان کے دیہی علاقوں میں صحت عامہ کی سہولیات میسر نہ ہونے کی وجہ سے حاملہ خواتین کو شدید تکالیف کا سامنا کرنا پڑتا ہے۔ اکثر کیسز میں زچہ و بچہ موت کے منہ میں چلے جاتے ہیں کیونکہ انہیں کسی بھی قریبی شہر تک پہنچنے کیلیے سڑکوں کی ابتر صورتحال کی وجہ سے منٹوں کا سفر گھنٹوں میں طے کرنا پڑتا ہے۔
قانون بنانیکا مقصد یہ ہوتا ہے کہ عوام کے جان و مال کے تحفظ کو یقینی بنایا جائے۔ ملک کو دہشتگردی اور لوٹ مار وغیرہ سے پاک کیا جائے۔ کہنے کو پاکستان ریاست مدینہ بننے کی کوشش کررہا ہے۔ مگر یہاں کے حکمران شاید یہ بھول چکے ہیں کہ ریاست مدینہ میں انصاف کیسے ہوتا تھا۔ حضرت عمر فاروق رضی تعالیٰ اور حضرت ابوبکر صدیق رضی تعالیٰ کے انصاف کو بھول چکے ہیں۔ یا انکے انصاف کرنے کے طریقوں کا انہیں کوئی علم نہیں ہے۔پاکستان کے قانونی نظام میں شروع دن سے بگاڑ تھا جو اب تک ہے۔ یہاں قانون غریبوں اور لاچاروں کے لیے بنا ہے۔
پاکستان میں گلوبل وارمنگ، دہشتگردی جیسے چیلنج سے زیادہ گھمبیر مسئلہ بن چکا ہے۔ موسمیاتی تبدیلی کا باعث بننے والی ماحولیاتی آلودگی کی وجہ سے طرح طرح کی بیماریاں پھیل رہی ہیں۔ ملک میں ہر سال ہتھیاروں سے زیادہ ماحولیاتی آلودگی سے اموات ہوتی ہیں۔ ایک غیر ملکی تحقیقی ادارے ’انسٹیٹیوٹ فار ہیلتھ میٹرکس اینڈ ایویلوایشن‘ کے رپورٹ کے مطابق پاکستان میں سالانہ ایک لاکھ 25 ہزار افراد آلودگی سے ہلاک ہوجاتے ہیں جب کہ دہشتگردی کے خلاف برسوں سے جاری جنگ میں اب تک 60 ہزار افراد مارے گئے ہیں۔ پاکستان آلودگی سے ہلاکتوں میں دنیا بھر میں تیسرے نمبر پر ہے۔
یہ کہنا تو نہایت مشکل ہے کہ مستقبل کا مورخ ہمارے عہد رواں کے بارے میں کیا رائے اور نظریہ ترتیب دے گا لیکن یہ بات درست ہے کہ وہ ہمارے زمانے کے جن انسانیت سوز واقعات کو اپنے تجزیے اور تبصرے میں شامل کرے گا ان میں مسئلہ کشمیر یقینی طور پر نمایاں اور اوّلین درجے پر ہوگا۔اس کا ایک بڑا سبب یہ ہے کہ سائنسی اور فنی اعتبار سے ہماری موجودہ نسل نے بے پناہ ترقی کی ہے اور گاہے اس ترقی کو حیرت کی نگاہ سے بھی دیکھا جاتا ہے لیکن سچی بات یہ ہے کہ اخلاقی طور پر اور انسانی اقدار کے فروغ اور استحکام کے حوالے سے ہم لوگ ایک دوسرے کے سامنے شرمندہ ہی نہیں بلکہ بے بس دکھائی دیتے ہیں۔
اس میں کوئی شک نہیں کیا کہ ن لیگ تین مرتبہ عروج و زوال دیکھنے کے بعد ایک مرتبہ پھر تنزلی کی جانب گامزن ہے۔ ن لیگ کی مشکلات میں دن بدن اضافہ ہوتا جا رہا ہے۔ ن لیگ کی اعلیٰ قیادت اس وقت جیل کی سلاخوں کے پیچھے ہے، تین بار ملک کے وزیراعظم بننے والے میاں محمد نواز شریف ویڈیو لنک کے ذریعے سیکورٹی اسٹیبلشمنٹ پر کڑی تنقید کر کے بھارت،اسرائیل، برطانیہ،امریکہ اور عرب ممالک کے میڈیا سے داد وصول کرنے میں لگے ہوئے ہیں۔
پاکستانی جمہوریت پر بات کی جائے تو جمہوریت کی تاریخ انتہائی مختصر ہے برخلاف اسکے کہ جمہوریت اس ملک میں کبھی اپنی جڑیں گاڑ سکے گا بھی یا نہیں۔ حقیقت تو یہ ہے کہ جمہوریت کی کشتی ہچکولے کھاتے کھاتے 1973 میں سمندر کی طغیانیوں سے ایک امید بن کر نکل تو آئی۔ مگر جسے خالص جمہوریت کہا جاتا ہے وہ پھر بھی خالص نہ رہی اور نہ کبھی اسے کسی نے خالص بننے بھی دیا۔
پاکستانی سیاست طفلانہ دور سے نکل ہی نہیں پا رہی،سیاستدانوں کی حب الوطنی اورعوام دوستی صرف تقا ریر اور میڈیا ٹاکس میں نظر آتا ہے۔یہ خوابوں کے بیوپاری ہیں،جھوٹ مکاری ان کا وطیرہ بن چکا ہے۔ان کی سیاست کا مقصد حصول اقتدار ہی ہوتا ہے۔جب اقتدار میں ہوتے ہیں تو اپوزیشن کاہر عمل ملک اورعوام دشمن نظر آتا ہے۔احتساب کو محض سیاسی انتقام اور اپوزیشن کو دبانے کے لئے استعمال کرتے ہیں۔مخالف سیاستدانوں پر کرپشن کے بڑے بڑے کیسز بنائے جاتے ہیں۔
