اے 2011ءِ گپّ اِنت، من گوں لہّتیں سنگتاں لورالائی ءِ ترّءُ تابءَ شتاں۔ آ زمانگءَ لورالائی ءِ ڈپٹی کمشنر بلوچے اَت۔ ما نیمروچءَ واجہ ءِ مہمان اَتیں۔ گپ مردم شماری ئیگ اَت۔واجہیں ڈپٹی کمشنر ءَ کسہ کت کہ،’’1998 ءِ مردم شماریءِ ردءَ اے ضلع ءِ آبادی کساس 297,555 اِنت، بلے 2011ءِ خانہ شماری ءَ اِشیءِ لوگانی آبادی اَنچو ودّینگ بوتگ اَت کہ کل آبادی ئے بیست لکّ(2,000,000) ءِ کچّ ءَ سر بوتگ اَت ۔وھدیکہ من ضلعءِ چارج زُرت گڑا منی دیمءَ اے ھساب ءُ کتاب آرگ بوت اَنت، بلے من نہ منّ اِت ءُ ھما زمانگءِ چیف سکریٹری ءَ را گشت کہ ضلع ءِ آبادی پہ دونمبری ودّینگ بوتگ، پمشکہ من اے گرانیں بارءَ endurse کت نہ کنیں‘‘۔

سبی بلوچستان ءِ کہنیں شہر ے ءُُ بلوچ راجدپتر ءِ تہامزنیں ارزشتے داریت۔بلوچ سرزمین ءِ یک بہرءِ درچ ءَ سبی ءَ بلوچانی راجدپتر ءِ بازیں چست ءُُ ایر دیستگنت۔ زوراکانی اُرش ءِ آماچ ہم بوتگ، دری راجانی جنگی اسپانی سُنب سگتگنت، دوآپی زحمانی ہون ریچ چارتگ ، رندءُُ لاشار ءِ تپاکی ءَ گوں بلوچ کنفیڈریسی ءِ دؤر باری ءُُ وت مہ وتی ناتپاکی ءِ نزوری ءُُ سی سال ءِ جنگ ءِ ہم سوب جوڑ بوتگ۔ رندی دیوانانی قول ءُُ