کراچی:کالعدم لشکر جھنگوی کے 2 دہشت گردوں کو منگل کے روز پھانسی دینے کے لیے بلیک وارنٹ جاری کر دئیے گئے ہیں۔۔

راولپنڈی: پاک فوج کے سربراہ جنرل راحیل شریف کا کہنا ہےکہ ملک میں آخری دہشت گرد کے خاتمے تک آپریشن جاری رہے گا جب کہ اگلے مورچوں پر تعینات جوانوں کے حوصلے آسمان سے بھی بلند ہیں۔

پشاور / چارسدہ: سیکیورٹی فورسز کے ساتھ جھڑپ میں کالعدم تنظیم کے کمانڈر سمیت 7 دہشت گرد ہلاک جب کہ 2 اہلکار جاں بحق اور 4 زخمی ہو گئے۔

لاہور: کوٹ لکھپت جیل میں حساس اداروں کی تنصیبات پر حملے میں ملوث مجرموں کو آج دی جانے والی موت کی سزائیں ڈیتھ وارنٹ جاری نہ ہونے کے باعث موخر کر دی گئی ہیں۔

بھارت میں پارلیمان کے دونوں ایوانوں اور ملک بھر میں سکول کے بچوں نے پاکستان میں پشاور کے آرمی پبلک سکول پر حملے میں 132 بچوں کی ہلاکت پر علامتی احتجاج کیا۔

منگل کو پشاور کے آرمی پبلک سکول میں طالبان کے قتلِ عام کا نشانہ بننے والے بچوں اور دوسرے افراد کی تدفین کا عمل شروع ہو گیا ہے، جب کہ ملک میں تین روزہ سوگ منایا جا رہا ہے۔

ڈائریکٹر جنرل آئی ایس پی آر میجر جنرل عاصم باجوہ کا کہنا ہے کہ آرمی پبلک سکول میں شدت پسندوں نے کُل 141 افراد ہلاک کیے۔ ہلاک ہونے والوں میں 132 بچے اور نو سٹاف ممبر تھے۔

پاکستان میں سیاسی جماعتوں کی جانب سے پشاور میں سکول پر طالبان کے حملے کی شدید مذمت کی گئی ہے جبکہ تحریکِ انصاف نے اس واقعے کے بعد ملک گیر احتجاج کی کال ملتوی کر دی ہے۔

کراچی: پیپلزپارٹی کے شریک چیرمین اور سابق صدر آصف زرداری نے سانحہ پشاور کی مذمت کرتے ہوئے کہا ہے کہ اس حملے کے بعد ان لوگوں کی آنکھیں کھل جانا چاہئیں جو دہشت گردوں کو شہید کہتے ہیں۔