اسلام آباد: وفاقی دارلحکومت کے ریڈ زون میں موبائل اور وائرلیس فون سروسز بحال کر دیں گئیں ہیں۔
پاکستان ٹیلی کمیونیکیشن اتھارٹی کےحکام نے ڈان ڈاٹ کام کو بتایا ہے کہ قومی انسداد دہشت گردی اتھارٹی (نیکٹا) کی ہدایات پر تمام موبائل فون آپریٹرز کو ریڈزون میں سروسز بحال کرنے کے احکامات جاری کر دیئے گئے ہیں۔
یاد رہے کہ گزشتہ روز ریڈ زون میں غیرمعینہ مدت کے لیے موبائل فون سروسز کی بندش کے احکامات جاری کیے گئے تھے جس کے بعد ریڈ زون اور اس کے اطراف کے علاقوں میں لوگوں کو شدید مشکلات کا سامنا کرنا پڑا۔
جن علاقوں میں موبائل فون سروس معطل رہی، ان میں ایوان صدر، کنونشن سینٹر، مارگلہ روڈ سے کشمیر چوک، چائنا چوک، اور قائد اعظم یونیورسٹی تک کے علاقے شامل ہیں۔
