پنجگور چتکان کے علاقے میں سیکورٹی فورسز کی چیک پوسٹ پر لانچر گرنیٹ فائر تفصیلات کے مطابق پنجگور کے علاقے چتکان سٹی ایریا میں واقع سیکورٹی فورسز کی چیک پوسٹ پر نامعلوم سمت سے دو لانچر گرنیٹ فائر کیے گئے جواحاطے میں گر کر زور دھماکوں سے پھٹ گئے جن کی آواز دور دور تک سنی گئی بعدازاں سیکورٹی فورسزکی جوابی کارروائی کے بعد حملہ فرار ہونے میں کامیاب ہوگئے تاہم ان راکٹ حملوں سے کسی قسم کی جانی ومالی نقصان کی اطلاع نہیں ملی،دریں اثناء بلوچستان کے علاقے سوئی میں نامعلوم افراد کی جانب سے سیکورٹی کیمپ پر فائر کیاجانیوالے راکٹ کا گولہ کھلے میدا ن میں گر کر زور دار دھماکے سے پھٹ گیا تاہم کسی جانی ومالی نقصان کی اطلاع نہیں ملی یہاں آمدہ اطلاعات کے مطابق گزشتہ شب سوئی کے علاقے میں نزدیکی پھاڑوں سے نامعلوم افراد نے راکٹ کا گولہ فائر کیا جو سیکورٹی فورسز کے کیمپ کے قریب کھلے میدان میں گر کر زور دھماکا سے پھٹ گیا جس کی آواز دور دور تک سنی گئی تاہم کسی جانی ومالی نقصان کی اطلاع نہیں ملی مزید کاروائی متعلقہ انتظامیہ کررہی ہے۔
