کراچی: ڈیفنس کے علاقے میں رینجرز سے مقابلے میں لیاری گینگ وار اور سیاسی جماعت سے تعلق رکھنے والے 3 ملزمان ہلاک جب کہ ان کے قبضے سے بھاری تعداد میں اسلحہ و بارود بھی برآمد ہوا۔ کراچی کے علاقے ڈیفنس میں رینجرز کے ساتھ مقابلے میں لیاری گینگ وار اور سیاسی جماعت سے تعلق رکھنے والے 3 ملزمان ہلاک ہوئے جب کہ مقابلے میں ایک رینجرز اہلکار زخمی بھی ہوا۔ ترجمان رینجرز کے مطابق ہلاک ملزمان کی شناخت سلیم عرف ڈالر، نوازعرف دادا اور ذبیرعرف مہاجر کے نام سے ہوئی ہے جبکہ ملزمان کے قبضے سے 19 ایس ایم جی، 2 ایل ایم جی، 3 ایم پی 5 اور بھاری مقدار میں گولہ بارود بھی برآمد ہوا۔