کراچی: متحدہ قومی مومنٹ نے قومی اسمبلی کے حلقے این اے 246 کے حوالے سے آج نکالی جانے والی ریلی منسوخ کر دی ہے۔ ایم کیو ایم کے جاری اعلامئے کے مطابق کراچی سے قومی اسمبلی کے حلقے این اے 246 میں ضمنی انتخاب کے حوالے سے آج ہونے والی ریلی منسوخ کردی ہے۔ ایم کیو ایم کے اعلامئے میں ریلی منسوخ کرنے کی وجوہات بیان نہیں کی گئی ہیں۔ واضح رہے کہ گزشتہ روز جماعت اسلامی کی ریلی کے دوران نامعلوم افراد نے حملہ کر دیا تھا جس کے بعد صورت حال کشیدہ ہو گئی تھی اور ایم کیو ایم اور جماعت اسلامی کی جانب سے ایک دوسرے کو واقعہ کا ذمہ دار قرار دیا تھا۔