پشاور: کاؤنٹرٹیررازم ڈیپارٹمنٹ نے پشاور میں کارروائی کے دوران پولیو ٹیموں پر حملوں میں ملوث دہشت گرد کو گرفتار کرلیا۔
سی ٹی ڈی نے پشاور میں دہشت گردی کی موجودگی کی اطلاع پر کارروائی کی جس کے نتیجے میں انسداد پولیو مہم کے دوران ٹیموں پر حملوں میں ملوث دہشت گرد کو گرفتار کرلیا۔ سی ٹی ڈی کے مطابق پولیو ٹیموں پر حملوں میں ملوث دہشت گرد سراج عرف امیر صاحب کا تعلق کالعدم تحریک طالبان پاکستان سے ہے جو کہ مانسہرہ کا رہائشی ہے جب کہ گرفتار دہشت گرد نے ایبٹ آباد میں 2 لیڈی ہیلتھ ورکرز اور پولیس اہلکاروں پر فائرنگ کی تھی۔
پولیوٹیموں پرحملوں میں ملوث دہشت گرد پشاور سے گرفتار
وقتِ اشاعت : November 27 – 2015