انگلینڈ کی ٹیم نے اس ٹورنامنٹ میں سب سے زیادہ مضبوط تصور کی جانے والی نیوزی لینڈ کی ٹیم کو سیمی فائنل میں باآسانی شکست دے کر فائنل میں اپنی جگہ بنا لی ہے۔ سیمی فائنل تقریباً یک طرفہ ثابت ہوا۔ نیوزی لینڈ جو پہلے کبھی ٹی ٹوئنٹی مقابلے جیت نہیں سکی ہے اس میچ میں مختلف ٹیم نظر آئی۔ نہ تو ان کے بلے باز اپنا روائتی جارحانہ انداز اختیار کر پائے اور نہ ہی اس کے سپنروں نے کوئی جادو جگایا۔ انگلینڈ نے 154 رنز کا مطلوبہ ہدف اٹھارہویں اوور ہی میں حاصل کر لیا۔  نیوزی لینڈ کی ٹیم اب گھر کا راستہ لے گی اور انگلینڈ کی ٹیم ممبئی میں فائنل کھیلے گی۔ انگلینڈ اس سے قبل سنہ 2010 میں یہ اعزاز حاصل کر چکا ہے۔