اسلام آباد: انسدا دہشت گردی عدالت نے ایم کیو ایم کے رہنما ڈاکٹر عمران فاروق قتل کیس کے ملزمان کا جیل ٹرائل 12 مئی سے شروع کرنے کا فیصلہ کیا ہے۔ انسداد دہشت گردی کی عدالت نے ڈاکٹر عمران فاروق قتل کیس کی سماعت کی اس موقع پر ایف آئی اے کی جانب سے ساتویں مرتبہ عبوری چالان پیش کیا گیا جب کہ تفتیشی افسر کا کہنا تھا کہ عبوری چالان میں تمام عدالتی اعتراضات دور کردیئے اور مقدمہ کے ساتھ ڈیتھ سرٹیفکٹ اور دیگر دستاویزات بھی منسلک کردی ہیں۔ ایف آئی اے کی جانب سے ساتویں مرتبہ جمع کرائے گئے عبوری چالان میں ملزم محسن کو براہ راست قاتل اور معظم علی اور خالد شمیم کو معاون قرار دیا گیا ہے جب کہ چالان کے مطابق محسن اور کاشف نے چھریوں کے وار سے عمران فاروق کو قتل کیا۔