پیرس : یورو کپ میں جرمنی اور پولینڈ نے پری کوارٹر فائنل کیلئے کوالیفائی کرلیا۔ تفصیلات کے مطابق گروپ سی میں جرمنی اور شمالی آئر لینڈ کے د رمیان کھیلا گیا میچ دلچسپ رہا پورے میچ میں جرمن ٹیم چھائی رہی۔ کھیل کے 29ویں منٹ میں جرمنی کے گومیز نے گول کر کے مقابلہ 1-0کردیا پہلے ہاف کے اختتام تک جرمنی کو 1-0کی برتری حاصل تھی دوسرے ہاف میں جرمن ٹیم لگاتار حملے کرتی رہی لیکن کامیاب نہ ہوسکی اور اس طرح یہ میچ جرمنی نے 1-0سے جیت لیاگروپ سی کا دوسرا پولینڈ اور یوکرین کے درمیان کھیلا گیا جس میں پولینڈ نے یوکرین کو 1-0سے مات دیدی دونوں کے درمیان کھیل کا پہلا ہاف بغیر کسی گول کے برابر رہا دوسرے ہاف کے 54ویں منٹ میں پولینڈ کے بلازچیکوسکی نے گول کر کے اپنی ٹیم کو برتری دلا دی یوکرین کی ٹیم مقابلہ برابر کرنے کی سرتوڑ کوشش کرتی رہی لیکن گول دینے میں ناکام رہی اور اس طرح یہ میچ پولینڈ نے 1-0سے اپنے نام کرلیا۔ واضح رہے یوکرین گروپ سی میں اپنے تینوں میچز ہار کر ایونٹ سے پہلے ہی باہر ہوچکی ہے جبکہ گروپ سی سے پولینڈ اور جرمنی نے پری کوارٹر فائنل کیلئے کوالیفائی کرلیا پوائنٹس ٹیبل کے مطابق جرمنی پہلے، پولینڈ دوسرے اور شمالی آئر لینڈ تیسرے اور یوکرین آخری نمبر پر ہے۔ شمالی آئر لینڈ کو بہتر پوائنٹس ملنے کا انتظار۔
