کوئٹہ:بلوچ ریپبلکن پارٹی کے مرکزی ترجمان شیر محمد بگٹی نے شہید پائند خان بگٹی کو ان کی پہلی برسی کی مناسب سے خراج عقیدت پیش کرتے ہوئے کہا ہے کہ بی آر پی ڈیرہ بگٹی کے صدر ریاض گل بگٹی کے چچازاد بھائی شہید پائند خان بگٹی سمیت ہزاروں بلوچ نوجوانوں نے ڈاڈائے قوم شہید نواب اکبر خان بگٹی کی راہ پر جدو جہد کی اور اسی نظریے کو ہمیشہ اپنا مقصد بنائے رکھا شہید پائند خان بگٹی کو گزشتہ برس9 ستمبر کوافغانستان کے صوبہ قندھار کے علاقے سپین بولدک میں خفیہ اداروں کے اہلکاروں نے شہید کردیا تھا اس سے پہلے بھی افغانستان میں بلوچ مہاجرین پر حملے ہوتے رہے ہیں جس میں متعدد بلوچ فرزندوں کو شہید کیا جا چکا ہے ترجمان نے اقوام متحدہ اور بھارت سمیت تمام ممالک سے اپیل کی ہے کہ وہ بلوچ مہاجرین کی تحفظ کیلئے اقدامات کریں بی آر پی کے ترجمان نے کہا کہ تربت میں ریاستی فورسز نے سیاسی کارکن پیرجان کے گھر کو محاصرے میں لے رکھا ہے جہاں ان کے اہلخانہ کو گزشتہ دن سے محصور کئے ہوئے ہیں۔
