چہ آپ گروک ،روزگار ءُُ زند ءِ ایندگہ آسراتیاں زبہریں سی پیک ءِ بنزیا ہ گوادر اے وھد ءَ چاگردی رسانک در ( سوشل میڈیا) ءَ برزترین سنداں مک انت بلئے اے حاترا ناں کہ چابہار پورٹ ءَ چہ گوادر ءَ گیشتر دیمروئی کتگ بلکیں اے حاترا کہ گوادر ءِ نوکیں ملک دوستیں ڈی سی پہ گوادر ءِ مہلوک ءَ چیزے کنگ ءَ دلمانگ انت ءُُ بلوچستان ءِ سیاسی غریب تکانسر اَنت پرچکہ ہما مردم کہ یکشل ءَ حکومت ءَ بوتگ انت آہاں گوادر ءِ مہلوک ءَ را اے سدکی داتگ کہ بنجاہی حکومت ءُُ اسلیں واکدار ( establishment) بلوچستان ءِ لس مہلوکُ گچینی پہ گوادر ءِ لس مہلوک ءُُ کارکنگ نہ لوٹ اِت ءُُ داں حد ے ءَ گوادر ءِ مہلوک ءَ اے گپ ءَ سرا بحروسہ کتگ کہ بنجاہی حکومت ءُُ بنجاہی واکدارں گوں گوادر ءِ مہلوک ءَ ہچ وڑیں مہر ءُُ دوستی نیست بلکیں برزی سند ءَ نشتگیں واکداراں وتی چم ایوک ءَ گوادر ءِ زر ءُُ زمین ءَ داشتگ انت حکومت ءَ ھواریں راج دوستیں سیاسی غریباں اے حاترا ہم گوادر ءِ مہلوک ءِ بنکی آسراتی داشتگ انت تنکہ دومی دست ءَ آ بنجاہی حکومت ءُُ برزی سند ءِ واکداراں اے بگش انت کہ گوادر ءِ مہلوک دیمروئی نہ لوٹ اِت ءُُ آ سی پیک ءِ منگ ءَ ساڑی نہ انت ءُُ ہمے نیت ءَ آ چہ بنجاہی حکومت ءَ گیشتر واک ءُُ پلہ مرزی ءَ ھوار مال ءُُ دولت بکٹ انت۔ بلئے گوادر ءِ نوک آوکیں ڈی سی ءَ اے لیکہ پروشتگ کہ ناں بنجاہی حکومت گوادر دیمروئی ءَ نہ لوٹ ایت ءُُ ننکہ گوادر ءِ لس مہلوک سی پیک ءِ منگ ءَ تیار نہ اِنت ۔آئی ءَ لہتیں ہنچیں گامگیج زرتگ کہ چر آئی ءَ گوادر ءِ لس مہلوک ءُُ مائیگ گیراں اے باور بوتگ کہ بنجاہی حکومت گوادر ءِ لس مہلوک ءِ دیمروئی ءَ دلمانگ انت بلئے لہتیں میانی مردماں اے آسراتی داں گوادر ءِ لس مہلوک ءُ پجارینگ ءُُ سر بوھگ ءَ نیشتگ انت دومی نیمگ ءَ اے نیامی مردماں وت ءُُ پہ وتی سیاد ءُُ عزیز ءُُ’’ نظریاتی سنگتان‘‘ بازیں آسراتی ءُُ زمین گپتگ اے آسراتی میرانی ڈیم ءِ جوڑ کنگ سی پیک ءِ منگ ،ریکوڈک ءُُ سیندک پروجیکٹ ءِ پش در ءَ گرگ بوتگ انت نوں گوادر ءِ ڈٰ سی ءِ نوکیں گامگیجاں اے مردمانی منافقی ءُُ پلینڈی پدر کتگ انت کہ بنجاہی حکومت ءُُ برزی سند ءِ واکداراں اے میانی واکداراناں اے آسراتی اے حاترا داتگ انت کہ گوادر ءِ مہلوک ءِ زند وشحال ءُُ شادمان بہ بیت بلئے اشان بنجاہی حکومت ءِ اے درائیں آسراتی پہ گوادر ءِ لس مہلوک ءُُ شات نہ بوتگ انت اے وھد ءُُ حال ایش انت کہ گوادر لس مہلوک پہ ترمپے آپ ءَ تلو س ایت بلے اے میانی مردم گوں وتی سیاد ءُُ عزیز ءُُ نظریاتی سنگتاں کراچی لاہور ،دبئی ،فرانس ،ءُُ کینڈا ءُُ لندن ءَ زمین ءِ جائیدانی واحندا انت ایشی ءَ ابید اے میانی مردمانی زر ءُُ مال ءُُ جائیداد ءِ ارس ءَ ہنچو رستگ کہ اے گوادر گرلز کالجے ءِ جوڑ کنگ ءَ ہم وش نہ بنت اگاں ڈی سی گوادر پہ مائیگیر ءُُ لس مہلوک ءِ حاترا ہاوسنگ اسکیم ءِ جوڑ کنت اے پہ آئی ءَ ہم وش نہ بنت ادا گپ ایش انت کہ گوادر کالج ءِ جوڑ کنگ ءَ اشانی تاوان ءُُ نکس چے انت ؟؟؟؟ اشانی مستریں نکس ایش انت کہ اشاں مہلوک سدک کتگ کہ بنجاہی حکومت ءُُ بنجاہی واکدار گوادر ءِ مہلوک ءِ دیمروئی نہ لوٹ انت وھدے چہ ڈی سی ءِ نیمگ ءَ اے وڑیں دیمروئی بیت گڈا آحانی اے دروگ پاشک بیت ،دومی آیاں اے آسراتی پہ لس مہلوک ءَ دور داشتگ انت تنکہ پہ وھد ءُُ موسم مہلوک ءَ را بنجاہی حکومت ءُُ بنجاہی واکدارانی حلاپ ءَ کارمرز کنگ بیت پرچکہ اے میان ءَ اشاں آسراتی داشتگ ءُُ مہلوک ءِ دل ءُُ گوش چہ بنجاہی حکومت ءُُ ملک ءِ حلاپ ءَ کہر ءُُ کست ءَ سر ریچ کتگ انت کہ چہ پاکستان ءَ ہچ وڑیں آسراتی ءَ دلمانگ مہ بئیت ۔ہمے حاترا اے میانی مردم ڈی سی گوادر ءِ نوکیں الس دوستیں گامگیجاں نہ وش انت ءُُ آئی ءِ حلاپ ءَ پلینڈی کنگان انت برے آئی ءِ حلاپ چیف سیکریڑی ءَ نبشتہ کن اَنت برے وزیر اعلیٰ پرما اَنت کہ ڈی سی ءِ حلاپ ءَ چار ءُُ ٹپاسی ٹیم ءُُ ڈل دیم بدنت ءُُ دومی دست ءَ وتی کار دار ( ورکراں ) پرما انت کہ ڈی سی ءِ حلاپ ءَ جلوس ءُُ جلسہ ءُُ بیان بازی بکن انت اے وھد ءَ حیرانی گپ ایش انت کہ اے میانی مردم سک زوراک انت اشاں ڈی سی ءَ را ہم ہمے گشتگ کہ اگاں اشانی گپ زورگ نہ بوت گڈا آئی ءِ حلاپ ءَ برزی سند ءَ کاروائی کنگ بیت نوں زانگ نہ بیت کہ اشانی زور نروت پرچکہ بنجاہی حکومت ءُُ بنجاہی واکدار اشانی پلینڈی ءُُ دوتل ءُُ دوپوستی ءَ سرپد بوتگ انت یا گوادر ءِ لس مہلوک ءِ توار چہ اشانی ءَ برز ترشتگ پرچکہ پدراً اِنت پہ اے میانی زوراکاں ڈی سی ءِ بدل کنائینگ ءُُ وتی تب ءِ ڈی سی یے ءِ آرگ چد وپیش چشیں گرانیں کارے نہ بوتگ۔گوستگیں روچاں یک انگریزی حال تاکے ءَ یک حالے شنگ بوتگ اَت کہّ ئی ءَ درائیں ملک سرا زرتگ ات ۔بازیں مردماں اے حال ءَ وت گڑیں ءُُ دروگیں حالے گشگ اَت ۔ہمے حالکار ءُُ بلکیں روتاک ءِ حلاپ ءَ گامگیج زورگ ءِ لوٹ کنگ بوتگ اَت ۔روتاک ءَ اے حال ءِ چار ءُُ ٹپاس کت ءُُ شوشکار ءِ نیمگ ءَ اے گپ گشگ بوت کہ اے حال راست ءُُ تچکیں حالے اے گپانی پک ءَ کنگ ءَ پد حالکار ءِ حلاپ ءَ گامگیج ءِ ہچ وڑیں جوازے نبت بلئے ایشیءَ ابید ہم حکومت ءِ حالکار ءِ نام ای سی ایل ءَ دات ءُُّ ئی ءِ در ءَ روگ ءَ مکن کت اے درچ ءَ حال کار ءَ ہچ وڑیں ملامے نہ کتگ ءُُ ملک ءِ ہچ وڑیں کانود نہ پروشتگ ۔آئی ءَ ایوک ءَ وتی کیس کار کتگ پمشکہ ا ے حال پش در ءَ حال کار ءَ چہ درملکی سفر ءَ دارگ ءِ پدرائیں مطلب ایش انت لیکہ ءُُ حالکاری آجوئی ءِ سرا بندش جنگ بہ بیت تنکہ حالکار گوں آجوئیں وڑے ءَ ملک ءَ کار کت مکن انت اے آجوئیں حالکاری ءِ سرا مزنیں اڑندے اے کاروئی ءِ ہچ وڑیں جوازت نیست پرچکہ اے حال ءَ پد حکومت ءِ لیکہ ہم دیم ءَ اتکگ ات ءُُ سرجمی ءَ حالتاکاں شنگ بوتگ انت ۔ دوئیں لیکہانی دیم ءَ آحگ ءَ پد اے مہلوک ءِ مرزی انت کہ آ کجام لیکہ ءِ پلہ مرزی ءَ کنت چریشی ءَ پیسر ہم حکومت ءِ سرا ایراد گرگ بوتگ ات کہّ ئی ءَ گوں وت ءَ کنتی لہتیں مردمانی ءُُ بازیں راجکاری دیگری داروکیں مردمانی نام ای سی ایل ءَ داتگ ءُُ آحانی درملک ءِ سفر ءِ سرا بندش جتگ اَت۔ تہی کارانی وزیرر وتارا جمہوری مردمے پیش دارگ ءِ حاترا اے جار پرینتگ ات کہ دیم ءَ دگہ مردمانی نام بید عدالت ءِ اجازت ہچبر ای سی ایل ءَ دئیگ نہ بیت آئی ءِ اے جار ملک ءِ درائیں حالتاکاں شنگ بوتگ ات بلئے ڈان روتاک ءِ حالکار ءِ نام کجام عدالت ءِ اجازت ءَ گوں ای سی ایل دئیگ بوتگ ؟پدر انت کہ حکومت ءَ اے گامگیج چہ تہی کارانی وزیر ءِ اجازت ءَ زرتگ پرچکہ چدو پیش اے وڑیں حکم تہی کارانی ہمے وزیر ءَ داتگ انت پمشکہ اے حکم ءِ پروشگ ءِ واک ءُُ اختیار ہم ہمے وزیر ءِ باسکان ات ۔ہمے وڑا تہی کارانی وزیر آجوئیں حالکاری ءِ سرا ارش کت ءُُ حالکار ءِ نام ای سی ایل دات اے وھداں درائیں حالکاری دنیا ءُُ لس لیکہ داروکین مردم اے گامگیج ءِ حلاپ ءَ اوشتاتگ انت حالکاری گردانگ ءُُ آئی ءِ حقانی گلاں حکومت ءِ اے گامگیج سک ایر جتگ ءُُ اے وھداں چہ حکومت ءَ اے گامگیج ءِ سرا پر ترگ ءِ لوٹ بوھگان انت ۔
پرچکہ اے حال راست انت ءُُ درائیں مردم اے حال سہی ءُُ سرپد انت ءُُ پدا حکومت ءِ لیکہ ہم دیم ءَ آتکگ چریشی ءَ پد حالکار ءِ حلاپ ءَ گامگیج زورگ ءَ آئی ءَ را تکانسر کنگ جوانیں کارے نہ انت ءُُ اے گپ پدر انت کہ حکومت ءِ تہا برداشت ءُُ اوپار نیست حالانکہ حالکار ءَ گشگ کہ آئی ءِ درملک ءَ روگ ءِ ہچ وڑیں ارادہ نیست بلئے حکومت ءِ نیمگ ءَ گشگ بوتگ کہ آئی ءَ دبئی ءِ حاترا ٹیکٹ بک کتگ نوں حکومت اے گپ چہ کسہ یےءِ گیش ہچے نہ اِنت ۔
