خضدار : خضدار میں قومی شاہراہ پر ٹریفک حادثات کا سلسلہ جاری، جمعہ کو بھی دو مختلف واقعات میں ایک شخص جاں بحق جبکہ ایک زخمی ہوگیا ،اطلاعات کے مطابق خضدار جمعہ کو قومی شاہراہ پر نیو بس اڈے کے قریب مسافر وین کی ٹکر سے موٹر سائیکل سوار لیاقت علی ولد نور محمد ساکن با غبانہ قوم شاہوانی شدید زخمی ہوگیا جسے اسپتال منتقل کیاگیا جہاں وہ زخموں کی تاب نہ لاتے ہوئے چل بسا، مسافر وین کو تحویل میں کر ڈرائیور کو گرفتار کرلیا گیا ہے جبکہ دوسرے واقع میں سنے کے مقام پر مسافر وین کی ٹکر سے موٹر سائیکل سوار عبدالحمید نامی موٹر سائیکل سوار شدید زخمی ہوگیا جسے فوری طور پر نزدیکی ہسپتال منتقل کردیا گیا ہے مزید کاروائی متعلقہ انتظامیہ کررہی ہے۔
