https://www.facebook.com/Cristiano/videos/10154944622562164/ رونالڈو نے اپنی بہترین کارکردگی کی بنا پر گزشتہ ہفتے ریال میڈرڈ کو کلب ورلڈ کپ کا چمپیئن بنوا یا تھا جبکہ اس سے قبل چوتھی مرتبہ بیلن ڈی اور حاصل کرکے میسی کا ریکارڈ برابر کیا تھا۔ پرتگال کی ٹیم نے ان کی قیادت میں رواں سال یورپین کپ جیتا جبکہ ان کے اہم گول کی بدولت ریال میڈرڈ نے چمپیئنز لیگ اپنے نام کی تھی۔ شام کے بچوں کے لیے مہم چلانے والے نک فینی کا کہنا تھا کہ ‘رونالڈو نہ صرف دنیا کے عظیم کھلاڑی ہیں بلکہ وہ دنیا کے لاکھوں بچوں کی امید کا محور بن گئے ہیں’۔ بحالی کے کاموں میں مصروف تنظیموں کے مطابق شام میں گزشتہ پانچ سالہ جنگ میں جان سے ہاتھ دھو بیٹھنے والے 3 لاکھ افراد میں 15 ہزار کے قریب بچے بھی شامل تھے۔