لندن: چیمپئنز فٹبال لیگمیں دلچسپ مقابلے جاری ہیں۔جس کا پہلا سیمی فائنل میچ ریال میڈرڈ اور اٹلیٹیکو میڈرڈ کے درمیان ہوا ۔میچ کرسٹیانو رونالڈو کا جادو ایک بار پھر سر چڑھ کر بولا۔ انہوں نے شاندار ہیٹرک کے ذریعے اپنی ٹیم کو زبردست جیت دلائی۔ کرسٹیانو رونالڈو نے چیمپئن شپ میں ساتویں ہیٹرک کر کے میسی کا ریکارڈ برابر کر دیا۔ ریال میڈرڈ نے یک طرفہ مقابلے میں اٹلاٹیکو میڈرڈ کو تین صفر سے شکست دے دی۔ میچ کے دوران ریال میڈرڈ کی ٹیم کھیل پر چھائی رہی۔ فاتح ٹیم نے میچ کا پہلا گول کھیل کے دسویں منٹ میں کیا۔ تہترویں منٹ میں رونالڈو نے ایک بار پھر گیند کو جال میں پھینک دیا جبکہ چھیاسی ویں منٹ میں اسٹار فٹبالر نے حریف کے دفاع کو توڑتے ہوئے تیسرا گول کر کے اپنی ٹیم کی فتح کو یقینی بنا دیا۔اس چیمپئنز فٹبال لیگ کے فائنل میں کوالیفائی کرنے کیلئے ریال میڈرڈ ایک قدم دور ہیں ۔ ایونٹ کا دوسرا سیمی فائنل آج اٹلین کلب یووینٹس اور فرنچ کلب موناکوکے درمیان کھیلا جائیگا جو پاکستانی وقت مطابق رات 11:45شروع ہوگا ۔
