سنگاپور میں ایشیا پیسیفک سیکورٹی کانفرنس سے چیئرمین جوائنٹ چیفس آف اسٹاف کمیٹی جنرل زبیر محمود حیات نے خطاب کرتے ہوئے کہا ہے کہ سی پیک منصوبہ خطے میں تنازعات حل کرنے میں معاون ہوسکتا ہے۔

چیئرمین جوائنٹ چیفس آف اسٹاف کمیٹی کا کہنا تھا کہ افغان مہاجرین کی وجہ سے پاکستان کو داخلی سلامتی چیلنجز درپیش ہیں۔ خطے میں تنازعات کے حل کے لیے نئی حکمت عملی بنانا ہوگی۔

جنرل زبیر محمود کا کہنا تھا کہ جنوبی ایشیا میں 70 کروڑ افراد بے روزگار ہیں جو ایچ آر مینجمنٹ کے لیے ایک بڑا چیلنج ہے۔

اُنہوں نے کہا کہ موجودہ حالات میں سائبر اسپیس نیا چیلنج بن کر سامنے آیا ہے۔ ایسے چیلنجز سے نمٹنے کے لیے سفارتی سطح پر رابطے بڑھانا ہوں گے۔

ان کا مزید کہنا تھا کہ ہمیں اقتصادی شعبے میں بھی تعاون کو فروغ دینا ہوگا۔