کوئٹہ: کوئٹہ کے علاقے بروری روڈ پر فائرنگ سے ایک شخص زخمی ہوگیا۔ پولیس کے مطابق ہزارہ ٹاؤن کے رہائشی تین افراد یلو کیپ ٹیکسی میں بروری روڈ کے راستے بازار جارہے تھے۔ 

راستے میں بروری روڈ پر وحدت کالونی کے قریب نامعلوم نقاب پوش شخص نے ان کی گاڑی پر فائرنگ کردی۔ حملے میں محمد عارف ہزارہ ہاتھ میں گولی لگنے سے زخمی ہوا ۔ 

فائرنگ کے بعد زخمی نے گاڑی سے اتر کر بھاگ کر کچھ فاصلے پر واقع ایف سی چوکی کے پاس جاکر جبکہ ڈرائیور اوراس کے دوسرے ساتھی نے گاڑی تیز بھگا کر جانیں بچائیں۔ زخمی کو بی ایم سی ہسپتال منتقل کردیاگیا۔ پولیس نے واقعہ کی ٹارگٹ کلنگ سمیت مختلف پہلوؤں پر تفتیش شروع کردی ہے۔