کوئٹہ: کوئٹہ کے علاقے کوئلہ پھاٹک کے قریب نامعلوم ڈاکوؤں کی فائرنگ سے دو افراد زخمی ہوگئے۔
پولیس کے مطابق محمد اقبال ولد فضل محمد نیازی سکنہ جناح ٹاؤن اور خدائے نور ولد نور محمد نیازی سکنہ اسپنی روڈ کو زخمی حالت میں سول ہسپتال لایا گیا۔
دونوں کو ٹانگوں پر گولیاں لگی ہیں۔ زخمی افراد نے پولیس کو بتایا کہ انہیں کوئلہ پھاٹک کے قریب نامعلوم ڈاکوؤں نے نقدی وغیرہ چھیننے کے دوران مزاحمت پر فائرنگ کرکے زخمی کیا ہے۔