پنجگور+تربت+ڈیرہ بگٹی : بلوچستان کے مختلف علاقوں میں فائرنگ ، راکٹ حملہ اور بارودی سرنگ دھماکے میں باپ دو بیٹوں سمیت ہلاک جبکہ دو بچوں سمیت تین افراد زخمی ہوگئے۔

تفصیلات کے مطابق بلوچستان کے ضلع پنجگور میں نامعلوم افراد کی فائرنگ سے باپ اور دو بیٹے جاں بحق ہوگئے۔ لیویز کے مطابق واقعہ پنجگور سے 90کلومیٹر دور پاک ایران سرحد سے ملحقہ پروم کے علاقے سبزل بازار کے قریب پیش آیا۔ نامعلوم افراد نے اپنے کھیت میں شکار کھیلنے میں مصروف باپ بیٹوں پر اندھا دھند فائرنگ کی۔ گولیاں لگنے سے چالیس سالہ محمد انور ولد قلندر بلوچ اور اس کا بیٹا بیس سالہ محمد رحیم موقع پر ہی جاں بحق جبکہ دس سالہ بیٹا محمد زابد زخمی ہوگیا۔ زخمی کو ڈسٹرکٹ ہیڈکوارٹر ہسپتال پنجگور پہنچایا گیا جہاں وہ بھی دم توڑ گیا۔ 

لیویز کے مطابق ملزمان ایرانی ساختہ پک اپ گاڑی میں آئے تھے جو اپنی گاڑی چھوڑ کر مقتولین کی پراڈو گاڑی لے کر فرار ہوگئے۔ مقتولین پروم کے علاقے گواش کے رہائشی بتائے جاتے ہیں۔ لیویز کو شبہ ہے کہ تہرے قتل کا واقعہ ٹارگٹ کلنگ کا ہوسکتا ہے۔ 

جائے وقوعہ سے شواہد اکٹھے کرکے تفتیش شروع کردی گئی ہے، پنجگور کے علاقے وشبود میں نامعلوم مسلح افراد کی فائرنگ سے ایک شخص جان بحق جبکہ دو زخمی ہوگئے پولیس کے مطابق پرویز امجد اور شہزاد نامی کسٹم کے قریب کجھور کے باغات میں بھیٹے ہوئے تھے کہ نا معلوم مسلح افراد نے ان پر فائرنگ کردیا جس کے نتیجے میں پرویز نامی شخص موقع پر جان بحق ہوا اور امجد اور شہزاد زخمی ہوگئے ہیں جہنیں تشویشناک حآلت میں اسپتال منتقل کردیا گیا ۔

پولیس کے مطابق واقعہ کے بعد ملزمان فرار ہونے میں کامیاب ہوگئے واقعہ کی تفتیش جاری ہے ،تجابان میں گھر پر راکٹ گرنے کے سبب دو بچے زخمی، اطلاع کے مطابق گزشت شب تجابان میں نامعلوم سمت سے فائر کیاگیا ۔

گولہ ایک گھر کے احاطے میں آ گرنے سے گھر کے اندر موجود دو بچے زخمی ہوگئے جنہیں فوری طور پر تربت کے ایک پرائیوٹ ہسپتال منتقل کیاگیا جہاں پر شدید زخمی بچی کو آپریشن کر کے ان کے جسم میں پیوست گولہ کے ٹکڑے نکالے گئے جبکہ یاسر نامی بچے کو علاج معالجے کے بعد ہسپتال سے فارغ کردیاگیا۔ 

ڈاکٹروں کے مطابق گولہ لگنے سے بچی کے جگر متاثر ہوئے ہیں ، بلو چستان کے ضلع ڈیرہ بگٹی کے علاقہ لوپ میں گاڑی بارودی سرنگ سے ٹکرا گئی جس کے نتیجے میں ایک شخص زخمی ہو گیا ہے۔

لیویزذرائع کے مطا بق گزشتہ روز ڈیرہ بگٹی کے علا قے لو پ میں گاڑی با رودی سرنگ سے ٹکر اجانے کے با عث ایک شخص شدید زخمی ہو گیا ہے جبکہ گاڑی تباہ ہوگئی ہے۔اس سلسلے میں مزید کا رروائی جا ری ہے۔