کراچی: سندھ ڈیزاسٹر مینجمنٹ اتھارٹی نے شدید گرمی کی لہر کے پیش نظر ہیٹ ویو الرٹ جاری کرتے ہوئے شہریوں کو محتاط رہنے کی ہدایت کردی۔
پی ڈی ایم اے نے شہرقائد میں ہیٹ ویو الرٹ جاری کردیا، صوبائی ڈیزاسٹر مینجمنٹ اتھارٹی کا کہنا ہے کہ شہر میں آئندہ 4 سے 5 روز گرمی کا پارہ ہائی رہے گا اور درجہ حرارت 40 ڈگری سینٹی گریڈ سے 43 ڈگری سینٹی گرینڈ تک پہنچنے کا امکان ہے۔
پی ڈی ایم اے نے گرمی کی نئی لہر پر شہریوں کو محتاط رہنے کی ہدایت کرتے ہوئے دوپہر میں سایہ دار جگہوں پر رہنے کا مشورہ دیا ہے۔
کراچی میں آج بھی گرمی کی شدید لہر برقرار رہی تاہم دن ڈھلنے کے بعد 8 گھنٹے سے بعد سمندری ہوائیں چلنے سے درجہ حرات میں کمی واقع ہوئی ہے۔