پیڑز برگ : محمد صلاح ناکام روس نے پری کواٹر فائنل مرحلے کے لیے کوالیفائی کر لیا ۔ تفصیلات کے مطابق روس کے شہر کے پیڑز برگ میں گروپ اے کی ٹیمیں روس اور مصر کے درمیان کھیلا گیا ۔
دونوں ٹیموں نے پہلے ہاف میں شاندار کھیل کا مظاہرہ کیا لیکن کوئی بھی ٹیم گول کرنے میں ناکام رہی اور میچ کا پہلا ہاف بغیر کسی گول سے برابررہی ۔ دوسرا ہاف شروع ہواتو اس کے دو منٹ بعد ہی روس نے برتری حاصل کرلی جس میں مصرکے احمد فتی نے اپنے ہی گول میں گول کر دیا ۔

کھیل کے 59ویں منٹ میں روس کے ڈینس چیری شیو نے گول کر کے مقابلہ 2-0کر دیا ۔اس کے تین منٹ بعد روس کے آرٹیم ڈزوبا نے گول کر کے روس کی برتری کو تین صفر کر دیا ۔ کھیل کے 73ویں منٹ منٹ مصر کو پینلٹی کک ملی جس پر محمد صلاح نے گول کر کے مقابلہ 3-1کر دیا ۔

واصح رہے کہ اپنے پہلے میچ میں روس نے سعودی عرب کو 5-0سے شکست دی تھی جبکہ مصرکی ٹیم کو یوروگوئے کے خلاف ناکامی کا سامنا کر نا پڑا۔ اس جیت کے میزبان روس نے پری کواٹر فائنل مرحلے کے لیے کوالیفائی کر لیا۔