موٹروے پولیس نے سابق وزیر ریلوے خواجہ سعد رفیق کا تیز رفتاری پر چالان کر دیا۔
لاہور میں راوی ٹول پلازہ کےقریب موٹروے پولیس نے مسلم لیگ (ن) کے رہنما خواجہ سعد رفیق کا اوور اسپیڈنگ پر چالان کردیا۔ موٹروے پولیس کے مطابق خواجہ سعد رفیق کی گاڑی 145 کلومیٹر فی گھنٹہ کی رفتار سے سفر کر رہی تھی، موٹروے پر مقررہ رفتار 120 کلومیٹر فی گھنٹہ ہے جس سے زائد پر سعد رفیق کا چالان کیا گیا۔
رہنما مسلم لیگ (ن) پنجاب اسمبلی کے اجلاس میں شرکت کے لیے جا رہے تھے۔ تیز رفتاری کے باعث انہیں 750 روپے جرمانہ ادا کرنا پڑا۔