لاہور: وزیرریلوے شیخ رشید نے حکام کوریلوے قلیوں کی وردی تبدیل کرنے کی ہدایت کردی۔

لاہورمیں وزیرریلوے شیخ رشید نے میڈیا سے بات کرتے ہوئے ہوئے کہا کہ ریلوے سی پیک کی ریڑھ کی ہڈی ہے، فریٹ ٹرینوں کو12 سے 15 تک بڑھائیں گے، حویلیاں سے کاشغرٹرین پرنظرہے، ریلوے کے لے دھند کا جدید نظام لانا چاہ رہے ہیں، غریبوں کے لیے رحمان بابا ٹرین کراچی کے لیے اسی ماہ چلائیں گے، ریلوے کو آگے لے کرجانا ہے جب کہ ریلوے کو مضبوط کرکے بھارت کو شکست دینا ہوگی۔

وزیرریلوے شیخ رشید نے حکام کو قلیوں کی وردی تبدیل کرنے کی ہدایت کرتے ہوئے کہا کہ قلیوں کی پرانی وردی بحال کی جائے، قلی کی سرخ رنگ کی شلوارقیمض اورسرپرسرخ رنگ کی پگڑی نما کپڑا ہوگا جب کہ وزیراعظم سے درخواست کی ہے کہ ریلوے کے تمام ملازمین کا ایک ایک گریڈ بڑھایا جائے۔