کوئٹہ : اے این ایف کے عملے نے تعلیمی اداروں میں منشیات سمگل کرنے والے دو ملزمان کو گرفتار کر کے ان کے قبضے سے لاکھوں روپے مالیت کی آئس کرسٹل برآمد کر لیا ۔

تفصیلات کے مطابق گزشتہ روز اینٹی نارکوٹکس فورس کے عملے نے خفیہ اطلاع ملنے پر کوئٹہ کے علاقے سریاب میں کارروائی کرتے ہوئے موٹر سائیکل پر سوار دو افراد کے قبضے سے 500 گرام آئس کرسٹل برآمد کرکے موٹر سائیکل قبضے میں لے کر کارروائی شروع کردی اے این ایف ذرائع کے مطابق دونوں ملزمان کی گرفتاری انٹیلیجنس بیس آپریشن کے دوران عمل میں آئی ہے اور دونوں ملزمان تعلیمی اداروں میں منشیات سپلائی کرتے تھے ۔

جن کیخلاف مقدمہ درج کر کے کارروائی شروع کر دی گئی ہے اے این ایف ذرائع کا کہنا ہے کہ منشیات کی روک تھا م کیلئے بھر پور اقدامات اٹھائے جا رہے ہیں تا کہ مستقبل کے معماروں کو اس منشیات کی لعنت سے محفوظ بنایا جا سکے