کوئٹہ+سبی:  ڈیرہ بگٹی میں باردی سرنگ دھماکے سے طالبعلم کی دونوں ٹانگیں ضائع ہوگئیں، جبکہ مٹھٹری میں ریلوے ٹریک کو دھماکے خیز مواد سے اڑادیاگیا ۔

تفصیلات کے مطابقبلوچستان کے ضلع ڈیرہ بگٹی میں بارودی سرنگ کے دھماکے میں سکول کا طالبعلم دونوں ٹانگوں سے محروم ہو گیا۔لیویز کے مطابق واقعہ زین لوٹی کے علاقے میں پیش آیا جہاں گزین ولد مراد علی قوم رامے زئی گھر سے سکول جانے کے لئے نکلا کہ اس کا پاؤس پہلے سے گھر کی گلی میں نصب بارودی سرنگ پر آگیا دھماکے سے گزین شدید زخمی ہو گیا اسے فوری طور پر اسپتال منتقل کیا گیا۔

ڈاکٹروں کے مطابق دھماکے سے گزین کی دونوں ٹانگیں ضائع ہو گئیں گزین مری کو ابتدائی طبی امداد دینے کے بعد مزید علاج کے لئے شیخ زید اسپتال رحیم یار خان منتقل کر دیا گیا ، دھماکے کے بعد فورسز نے علاقے کو گھیرے میں لیکر تحقیقات شروع کر دیں۔