کوئٹہ: پنجگور میں فائرنگ سے خاتون سمیت دو افراد جاں بحق جبکہ ایک شدید زخمی ہوگیا ۔

پولیس کے مطابق خضدار کے رہائشی حیات خان اور رسول بخش کو پنجگور کے علاقے وشبود میں اس وقت نشانہ بنایا گیا جب وہ ایک جاننے والے کے گھر میں مہمان ٹھہرے ہوئے تھے۔ 

فائرنگ سے حیات خان موقع پر جاں بحق جبکہ اس کا ساتھی رسول بخش زخمی ہوگیا۔ فائرنگ کی زد میں آکر ایک خاتون کی بھی موت ہوئی۔ پولیس کا کہنا ہے کہ فائرنگ میں ملوث کو اسلحہ سمیت گرفتار کرلیا گیا ہے۔