دالبندین: دالبندین آندھی اور طوفانی ہواؤں سے نظام زندگی مفلوج متعدد دیواریں گر گئیں۔
تفصیلات کے مطابق گزشتہ رات سے چلنے والی ایرٹ نامی تند وتیز ہوا اور آندھی نے دالبندین و گردونواح میں نظام زندگی کو بری طرح سے متاثر کر دیا تیز ہواؤں کے چلنے سے بازار و گردونواح میں درخت جڑوں سے اکڑ گر گئے جبکہ ڈی سی ریسٹ ہاؤس کی دیوار سمیت متعدد دیواریں بھی گر گئیں تاہم کوئی جانی نقصان نہیں ہوا۔
علاوہ ازیں آر سی ڈی شاہراہ پر متعدد جگہوں سے ریت کے بڑے بڑے ٹیلے جمنے سے لوڈ گاڑیوں کی آمدورفت میں خلل پڑی بازار میں دکانوں کے سائن بورڈ گرنے سے ایک شخص معمولی زخمی ہوا تیز ہواؤں اور آندھی کی وجہ سے شہر میں بجلی کی سپلائی کچھ دیر کیلئے معطل تاہم بعد ازاں بجلی کی سپلائی دوبارہ بحال ہونے لگی