کوہلو + حب : بلوچستان کے اضلاع کوہلو اور لسبیلہ میں فائرنگ کے مختلف واقعات میں چار افراد جاں بحق ہوگئے۔ جاں بحق ہونے والوں کی شناخت اکبر ولد امیرخان،،جونسل ولد امام بخش، شہر یار ولد بازخان رند اور طاہر ولد بلوچ خان کے ناموں سے ہوئی ہے۔
لیویز کے مطابق جمعہ کی صبح نامعلوم افراد کی فائرنگ سے دو افراد اکبر ولد امیرخان،،جونسل ولد امام بخش موقع پر جاں بحق ہوگئے، واقع کے اطلاع ملتے ہی ایف سی اور لیویز نے علاقے کو گھیرے میں لے کر ملزمان کی تلاش شروع کردی۔
بلوچستان کے ضلع لسبیلہ کے علاقے حب پیرکس روڈ کے قریب نامعلوم موٹر سائیکل سوار نے فائرنگ کرکے دو افراد زخمی کردئیے زخمی ہونے والوں کو فوری طور پر جام غلام قادر ہسپتال منتقل کردیا گیا جہاں ابتدائی طبی امداد کے بعد ایدھی ایمبولینس کے ذریعے کراچی سول ہسپتال منتقل کردیا زخمی ہونے والے دوران علاج سول ہسپتال کراچی میں جاں بحق ہوگئے۔
جاں ہونے والوں کی شناخت شہر یار ولد بازخان رند اور طاہر ولد بلوچ خان کے نام سے ہوا ہے پولیس کے مطابق واقعہ کے متعلق تفتیش کررہے جاں بحق ہونے والے شہر یار خان رند موبائل ایسویشن حب کے نائب صدر کے بیٹے ہیں جن کا نمازہ جنازہ آسکائی بلیو کالونی حب میں ادا کیا گیا ہے۔