قلات: قلات کے علاقے گرانی کے قریب قومی شاہراہ پر مزدا ٹرک اور موٹر سائیکل میں تصادم کے نتیجے میں موٹر سائیکل پر سوار لطیف نامی شخص شدید زخمی ہو گیا زخمی لطیف کو ڈی ایچ کیو منتقل کیا جارہا تھا کہ وہ زخموں کی تاب نہ لاکر جانبحق ہو گیا۔
پولیس نے فوری کاروائی کرتے ہوئے ٹرک کے ڈرائیور کو گرفتار کر لیا قلات پولیس کے مطابق گزشتہ روز قلات کے علاقے گرانی میں تیز رفتار مزدا ٹرک نے موٹر سائیکل کو ٹکر ماردی جس کے نتیجے میں موٹر سائیکل پر سوار ایک لطیف نامی شخص شدید زخمی ہو گیا۔
جنہیں ڈی ایچ کیو منتقل کیا جارہا تھا کہ وہ راستے ہی میں زخموں کی تاب نہ لاکر جانبحق ہو گیا پولیس نے ٹرک ڈرائیور کو گرفتار کر کے تفتیش شروع کردی ہے جبکہ ضروری کاروائی کے بعد ورثاء کے حوالے کر دیا گیا ہے۔