تربت: ایف سی بلو چستا ن ساؤتھ اور خفیہ ایجنسیوں کا تربت شہر میں مشترکہ کاروائی، 6غیر ملکی مغوی بازیاب، 3دہشت گرد گرفتار کر کے اسلحہ برامدکرلیا۔

ایف سی بلوچستان ساؤتھ کے ترجمان کے مطابق جمعہ کی کی بالائی صبح تربت شہر کے علاقے باہبان میں فرنٹیر کور بلوچستان ساؤتھ اور خفیہ ایجنسی نے خفیہ معلومات پر مشترکہ کارروائی کرتے ہوے 6 یمنی یرغمالیوں کو با حفا ظت بازیاب کرالیا۔

آپریشن کے دوران 3 مشتبہ دہشتگرد بھی پکڑے گئے اور دوران سرچنگ بڑی تعداد میں اسلحہ بر آمدکرلیا گیا۔ فرنٹیئر کور بلوچستان ساؤتھ اس سے پہلے بھی کئی مرتبہ دہشتگردوں کے خلاف اپنا لوہا منوانے میں کامیاب رہی ہے اور آنے والے وقتوں میں بھی ایسی ہی کاروائیاں جاری رکھے گی جس سے علاقے میں امن وامان قائم رکھا جا سکے۔