کوئٹہ : کوئٹہ سمیت بلوچستان کے مختلف علاقوں میں آندھی اوربارش سے سردی کی شدت میں اضافہ ہوگیا۔

تفصیلات کے مطابق منگل کو صوبائی دالحکومت کوئٹہ، ژوب،پشین، قلعہ عبداللہ،قلات سمیت دیگر علاقوں میں آندھی اور بارش سے سردی کی شدت میں اضافہ ہوگیا، محکمہ موسمیات کے مطابق منگل کو صوبہ کے بیشتر اضلاع میں موسم خشک رہا تاہم ژوب، پشین، قلعہ عبد اللہ، چاغی اور کوئٹہ کے اضلاع میں مطلع ابرآلود رہنے کے علاوہ چند مقامات پر آندھی اورگرج چمک کے ساتھ بارش ہوئی، بدھ کے روزکوئٹہ میں کم از کم درجہ حرارت 5ڈگری سینٹی، قلات میں 3،سبی میں 16 ڈگری سینٹی گریڈ رہنے کا امکان ہے جبکہ صوبہ کے بیشتر اضلاع میں موسم خشک رہے گا تاہم ژوب، پشین، قلعہ عبد اللہ اور کوئٹہ کے اضلاع میں مطلع جزوی ابرآلود رہنے کا امکان ہے۔