کوئٹہ:  پبلک اکاؤنٹس کمیٹی کے چیئر مین اختر حسین لانگو نے کہا ہے کہ جب تک صوبے میں شفافیت کے عمل کو یقینی نہیں بنا یاجاتا اس وقت تک صوبے سے کرپشن کاخاتمہ نہیں ہونگے تمام محکمے خوداحساس پیدا کریں تو عوام بھی تکلیف کا شکار نہیں ہونگے اور کرپشن بھی نہیں ہونگے گوادر میں سرکار نے جو زمین عوام سے لئے ہیں ان کی ادائیگی فوری طور پر ادا کی جائے ورنہ ہم سخت ایکشن لیں گے پبلک اکاؤنٹس کمیٹی کرپشن کے معاملے پر کسی کے ساتھ کوئی رعایت نہیں کرینگے۔

ان خیالات کااظہارانہوں نے بورڈ آف ریونیو اور ڈی سیز کمیٹی کے اجلاس سے خطاب کرتے ہوئے کیا اس موقع پر اراکین صوبائی اسمبلی ثناء بلوچ،سید فضل آغا تمام ڈسٹرکٹ کے ڈپٹی کمشنرز اکاؤنٹنٹ جنرل،اسپیشل سیکرٹری سمیت دیگر اعلیٰ حکام بھی موجود تھے اختر حسین لانگو نے کہا ہے کہ بلوچستان کو ترقیافتہ بنانے اگر ہم مخلص ہوکر کام کریں تو آئندہ چند سالوں میں ہم بلوچستان کوترقیاتی بنائیں گے کرپشن نے صوبے کے مفادات کوبہت نقصان پہنچا یاہے ہم صوبے کی ترقی وخوشحالی چاہتے ہیں۔

اگر کسی کا خیال ہے کہ وہ کرپشن کرینگے تو ہم کسی بھی صورت کسی کو کرپشن کرنے کی اجازت نہیں دینگے تمام آفیسران خود صوبے کی ترقی وخوشحالی میں اپنا کردارادا کریں جب تک ہم حالات کوخود بہتر نہیں بنائیں گے کوئی بھی ہمارے حالات بہتر کرنے کے حق میں نہیں ہیں۔

انہوں نے کہا کہ احتساب کے عمل کو اب شفاف بنا ناہوگا کیونکہ بلوچستان کو صرف اور صرف ہم ہی ترقیاتی بنا سکیں ماضی میں جو کچھ ہوا ہے اس پر ہم کوئی بات نہیں کرینگے لیکن ہر کسی کو بھی من مانی کرنے کی اجازت نہیں دینگے کیونکہ بہت کچھ ہوگیا ہے اب ہمیں اپنے آنے والی نسلوں کاخیال کرنا ہوگا۔

انہوں نے کہاکہ وقت اور حالات کا تقاضاہے کہ ہم سب ملکر عوام کے حقوق کیلئے جدوجہد کریں گوادر میں زمینوں کے حوالے سے جو کچھ ہوا ہے اس حوالے سے ہم خاموش نہیں رہیں گے اور سرکار نے گوادر میں عوام سے جوزمینیں لی ہیں ان کی ادائیگی فوری طور پر کی جائے کیونکہ عوام ہم سے رابطہ کرتے ہیں اور ہم ہی ان کے مسائل حل کرنے میں اپنا کردارادا کرینگے انہوں نے کہا کہ بورڈآف ریونیو کے آڈٹ پیراز پر مکمل بحث ہوئی 2015-16میں جو کچھ ہوا ہے اب یہ نہیں ہونے دینگے۔