تربت : بلیدہ میں دو ہفتوں سے بجلی بند، مکینوں کو سخت مشکلات کاسامنا۔ بلیدہ میں گزشتہ دو ہفتوں سے کسی سبب کے بغیر بجلی بند ہے جس کی وجہ سے اہل علاقہ کو پینے کے پانی سمیت ضروریات زندگی کے لیئے سخت مشکلات کا سامنا ہے۔
علاقہ مکینوں کے مطابق کیسکو حکام کی جانب سے دو ہفتے قبل علاقے کی بجلی بلا وجہ بند کردی گئی جس کا ابھی تک کوئی سبب بھی نہیں بتایا گیا ہے۔
ان کے مطابق اس سے قبل رواں مہینے بلیدہ کی بجلی مسلسل پندرہ دنوں تک بند کردی گئی تھی۔ اہل علاقہ نے بجلی کی فوری بحالی کے لیئے منتخب عوامی نمائندہ اور صوبائی حکومت سے مطالبہ کیا ہے۔