بھاگ :  نیشنل پارٹی تحصیل بھاگ کے جنرل سیکرٹری سید امجد شاہ جیلانی سی سی ممبر میران بلوچ میر اعجاز مغیری جے یو پی کے حافظ اصغر علی جے یو آئی تحصیل بھاگ کے امیر حافظ محمد یوسف گویا حافظ عبدالحئی گویا جے کیو ایم کے رہنماء کامریڈ نور احمد جاموٹ پیپلز پارٹی کے رہنماء ارباب داد محمد ایری کامریڈ منظور احمد ایری ایم کیو ایم کے رہنماء ڈاکٹر عبدالرزاق لاشاری پی ٹی آئی کے سینیئر ورکر ارباب عبدالرسول ایری کامریڈ منظور سومرو ودیگر نے کہا ہے کہ بھاگ تا جلال خان روڈ پر واقع ندی ناڑی پل ٹوٹ پھوٹ کا شکار ہے روزانہ کی بنیاد پر ہزاروں گاڑیاں گزرتی ہیں جن کو شدید مشکلات کا سامنا ہے۔

یہ پل جلال خان کو ملانے والی اہم گزر گاہ ہے۔ اور بڑی آبادی اس اہم راستے سے وابستہ ہے۔ اس کا کراسنگ پل مکمل خستہ حال ہے میٹریل ضائع ہو چکا ہے۔ جو کسی بھی وقت حادثے کا سبب بن سکتی ہے۔

اس پل کے چند قدم کے فاصلے پر سانحہ ہو چکا ہے۔ جس سے پانچ جانیں ضائع ہوچکی ہیں اور پل کے ٹوٹنے سے ہزاروں کی آبادی اہم گزر گاہ سے محروم ہو جائیگی۔ ہم حکام بالا سے مطالبہ کرتے ہیں کہ جلد سے جلد نوٹس لے کر اس پل کو از سرے نو تعمیر کرکے کسی بڑے حادثے سے بچایا جائے۔