زیارت :  زیارت سے ٹڈی دل کے تدارک کے لئے اقدامات کئے جائیں۔ اہلیان زیارت نے مطالبہ کیا ہے کہ اس وقت زیارت کے مختلف علاقوں میں ٹڈی دل بڑے بڑے غول کی شکل میں باغات پر حملہ آور ہو رہے ہیں۔ جس سے درختوں پر لگے پھولوں کوشدید نقصان پہنچ رہا ہے۔

انہوں نے مزید کہاہے کہ لا ک ڈاون کے باعث زمیندار نہ تو سپرے کر سکتا ہے او رنہ ہی زہر خرید سکتا ہے لہذا محکمہ زراعت وسیع پیمانے پر علاقے کی مختلف جگہوں پر فوری سپرے کرے تاکہ زیارت کے زمیندار نقصان سے بچ سکے اور حکومت سے بھی مطالبہ کرتے ہیں کہ وہ محکمہ زراعت زیارت کو جدید مشینری فراہم کرے تاکہ وہ ٹڈی دل کی تدارک میں موثر کردار اد اکر سکے۔