یمن کی الحوثی تحریک کے اہم لیڈر محمد عبدالکریم الحمران کو ملک کے مغربی علاقے میں لڑائی کے دوران قتل کرنے کی تصدیق کردی گئی ہے۔

روسی خبرایجنسی کے مطابق محمد عبدالکریم یمن کے وسطی علاقے کے دو صوبوں میں حوثیوں کے کمانڈر تھے ، اس برس حوثیوں کا یہ سب سے اہم جانی نقصان ہے۔

ذرائع کے مطابق انہیں سروہ شہر میں نشانہ بنایا گیا، تاہم واقعے کی تفصیل نہیں جاری نہیں کی گئی ہے۔

واضح رہے کہ حوثی ایک ماہ سے معارب شہر پر قبضے کی کوشش کررہے ہیں، حوثی فوج کے ترجمان نے 30 اپریل کو دعوی کیا تھا کہ معارب شہر کے علاوہ اطراف کے تمام علاقوں اور فوجی اڈوں پر کنٹرول حاصل کرلیا گیا ہے۔