سال 2020 کا فارمولا ون سیزن جولائی سے آسٹریا میں شروع ہو رہا ہے جہاں پانچ اور 12 جولائی کو ریس منعقد کی جائیں گی۔

آسٹریا کے سرکاری نشریاتی ادارے او آر ایف کے مطابق وزارتِ صحت نے سنیچر کو اس کی اجازت دی ہے اور شپیل برگ میں ریڈ بل رنگ میں ریس بغیر تماشائیوں کے منعقد کی جائیں گی۔

وزارت کا کہنا تھا کہ منتظمین نے مرض کے پھیلاؤ کو روکنے کے لیے ایک جامع اور پیشہ وارانہ سکیورٹی منصوبہ پیش کیا ہے۔

وزیرِ صحت روڈولف اینشوبر کا کہنا تھا کہ ’چوںکہ تماشائی موجود نہیں ہوں گے، اس لیے یہ ریس قانونی ہوں گی اور ٹیموں کو یہاں آ کر اپنا ہنر آزمانے کی اجازت ہوگی۔‘