خضدار: خضدار لیویز کا قومی شاہراہ پر کارروائی،مشکوک کار سے نو کلو چرس،دو کلو ہیروئن اور ڈھائی سو گرام کرسٹال برآمد دو ملزمان گرفتار اسسٹنٹ کمشنر خضدار عبدلمجید سرپرہ نے پریس کانفرنس کے زریعے تفصیلات بتاتے ہوئے کہا کہ ڈپٹی کمشنر خضدار ڈاکٹر طفیل بلوچ کی ہدایات کی روشنی میں لیویز فورس ضلع بھر میں منشیات کی سمنگلنگ کے خلاف سخت ایکشن لے رہی ہے۔
گزشتہ دنوں خفیہ زرائع سے اطلاع ملی تھی کہ منشیات کوئٹہ سے کراچی سمنگلنگ کرنے کی کوشش کی جا رہی ہے جس پر قومی شاہراہ پر چیک پوسٹ انچارجوں کو الرٹ کر دیا گیا اتوار کے روز کپر کراس کے مقام پر کوئٹہ سے کراچی جانے والی ایک ٹوڈی کار کو روک کر تلاشی لی گئی تو کار کے خفیہ خانوں میں چھپائی گئی نو کلو چرس،دو کلو ہیروین اور ڈھائی گرام کرسٹال برآمد کر کے دو ملزمان عبدالخالق اور محمد سلمان ساکنان قلعہ عبداللہ کو گرفتار کر کے گاڑی قبضے میں لے لی گئی۔
اسٹنٹ کمشنر خضدار عبدالمجید سرپرہ کا کہنا تھا کہ ایک ماہ کے دوران لیویز فورس خضدار نے میری نگرانی و ڈپٹی کمشنر کی ہدایت پر مختلف کاروائیوں میں گیارہ سو کلو گرام منشیات برآمد کر کے متعدد ملزمان کو گرفتار کر کے مقدمات درج کئے گئے ہیں منشیات سمنگلروں کے خلاف لیویز فورس کی کاروائیاں مزید تیز ہونگے