ڈیرہ اللہ یار: ڈیرہ اللہ یار میں تیز رفتار ٹرالر نے گدھا گاڑی پر سوار دو افراد کو کچل ڈالا جمالی بائی پاس پر سندھ سے کوئٹہ کی جانب جانے والی ٹرالر نے تیز رفتاری کے دوران گدھا گاڑی کو ٹکر مار دی جسکے نتیجے میں گدھا گاڑی پر سوار دو افراد شاہنواز ولد دائم خان اور نذیر احمد ولد چاکر خان ہجوانی موقع پر جاں بحق ہوگئے۔
خوفناک حادثے کے بعد ٹرالر ڈرائیور ٹرالر کو موقع پر چھوڑ کر فرار ہوگیا اطلاع ملتے ہی ڈیرہ اللہ یار تھانہ کی پولیس نے جائے وقوع پر پہنچ کر دونوں لاشیں سول اسپتال ڈیرہ اللہ یار پہنچائی جہاں سے ضروری کارروائی کے بعد لاشیں ورثا آبائی علاقے کشمیر کوٹ لے گئے پولیس نے ٹرالر کو اپنے قبضے میں لیکر مفرور ڈرائیور کی تلاش شروع کردی ہے۔