خضدار: وہیر میں ٹریفک حادثہ پی ٹی آئی حب کے رہنماء عرفان بلیدی جاں بحق دو افراد زخمی، تفصیلات کے مطابق پاکستان تحریک انصاف حب ضلع لسبیلہ کے رہنماء محمد عرفان بلیدی وہیر کے قریب ٹریفک حادثہ میں جاں بحق ہوگیا، وہ حب سے بذریعہ کار گاڑی میں کوئٹہ جارہے تھے کہ ان کی گاڑی کو حادثہ پیش آیا،حادثہ میں پاکستان تحریک انصاف حب ضلع لسبیلہ کے رہنماء محمد عرفان بلیدی ولد محمد رفیق بلیدی جان بحق جبکہ دو افراد مرتضی ولد قیصر خان قوم رند اور عبدالصمد ولد تھامس خان قوم رند زخمی ہوئے ہیں۔
حادثے کے بعد زخمیوں کو لیویز موبائل میں تحصیل ہیڈ کوارٹر ہسپتال میں منتقل کردیا گیا۔دریں اثناء خضدار زیدی میں کات گاڑی الٹنے سے دو افراد زخمی ہوگئے، جنہیں ہسپتال پہنچایا گیا۔
دریں خضدار شہداد کوٹ روڈ پر زیدی کے مقام پر تیز رفتار وٹز حادثہ کا شکار ہو گیا جس کے نتیجے میں دو افراد محمد سلمان ولد غلام علی اور محمد سلمان ولد نذیر احمد ساکنان کھٹان خضدار زخمی ہو گئے زخمیوں کو گورنمنٹ ٹیچنگ ہسپتال خضدار منتقل کر دیا گیا جہاں انہیں طبی امداد پہنچائی گئی۔