دالبندین: آر سی ڈی شاہراہ پر ٹریفک حادثہ۔زمباد گاڑی کی ٹکر سے موٹر سائیکل سوار جاں بحق۔جبکہ تین افراد شدید زخمی۔تفصیلات کے مطابق کوئیٹہ تفتان شاہراہ پر واقع دالبندین کے قریب تالو لانڈھی کے مقام پر ماشکیل سے دالبندین جانے والی ایرانی تیل سے لوڈ تیز رفتار زمباد پک اپ گاڑی نے موٹر سائیکل سوار کو ٹکر مار دی اس دوران زمباد گاڑی الٹ جانے سے آگ بھڑک اٹھی۔
جس کے سبب اختر محمد ولد عبدالصمد سکنہ برآب چاہ موقع پر بری طرح جھلس کر جاں بحق ہوا جبکہ دیگر تین افراد بھی بری طرح جھلسنے سے شدید زخمی ہو گئے جنھیں ابتدائی طبی امداد کے لیئے ڈی ایچ کیو ہسپتال دالبندین منتقل کر دیا گیا جبکہ شدید زخمی افراد کو علاج کی غرض سے کوئیٹہ منتقل کردیا گیا۔
زمباد گاڑی الٹنے سے ہزاروں لیٹر ایرانی ڈیزل اور پیٹرول زمین پر بہہ گئی اور بہہ جانے والی تیل سے آگ بھڑک اٹھی جس کے شعلے دور دور تک دکھائی دینے لگے اس لیے موٹر سائیکل سوار اور زمباد گاڑی کا عملہ آگ کی لپیٹ میں آکر بری طرح جھلس گیا۔ مذید تفتیش لیویز انتظامیہ کررہی ہے۔