کوئٹہ :محکمہ کوسٹل ڈویلپمینٹ اینڈ فشریز میں تقریبا ایک ارب روپے کا غبن تشت از بام ، نیب بلوچستان نے سابقہ سیکرٹری محکمہ کوسٹل ڈویلپمینٹ اینڈ فشریز، موجودہ ڈی جی فشریز کو گرفتار کر لیا،
ملزمان نے مروجہ قوانین اور حکومتی احکامات کی دھجیاں اڑاتے ہوئے غیر متعلقہ کمپنیوں کو قیمتی سرکاری ٹھیکے دیتے ہوئے قومی خزانے کو ناقابل تلافی نقصان پہنچایا، گرین فائبر گلاس بوٹس، ویسل مانیٹرنگ سسٹم، سی ایمبولینس اور پٹرولنگ بوٹس کی خریداری کے ٹھیکے گھر اور سٹرکیں بنانے والی ان کمپنیوں کو دیئے جو نہ تو مرکنٹائل میرین ڈیپارٹمنٹ سے رجسٹرڈ تھیں اور نہ ہی اس شعبے کے خاطر خواہ مطلوبہ تجربہ اور اہلیت کی حامل تھیں
قومی احتساب بیورو بلوچستان نے محکمہ کوسٹل ڈویلپمینٹ اینڈ فشریز میں تقریبا ایک ارب روپے کے غبن کا کھوج لگاتے ہوئے سابقہ سیکرٹری محکمہ کوسٹل ڈویلپمینٹ اینڈ فشریز آفتاب احمد بلوچ اور موجودہ ڈی جی فشریز منیر موسیانی کو کوئٹہ سے گرفتار کر لیا ہے، ملزمان نے باہمی ملی بھگت سے کرونا کی موجودہ صورتحال کا فائدہ اٹھایا اور مروجہ قوانین اور حکومتی احکامات کی دھجیاں اڑاتے ہوئے غیر متعلقہ کمپنیوں کو قیمتی سرکاری ٹھیکے دیتے ہوئے قومی خزانے کو ناقابل تلافی نقصان پہنچایا،
تفصیلات کے مطابق نیب کو محکمہ فشریز کے اعلی افسران کے خلاف ابتدائی انکوائری کے دوران انکشاف ہوا کہ سابقہ سیکرٹری محکمہ کوسٹل ڈویلپمینٹ اینڈ فشریز اور موجودہ ڈی جی فشریز نے مروجہ قوانین اور حکومتی احکامات کو بالائے طاق رکھتے ہوئے گرین فائبر گلاس بوٹس، ویسل مانیٹرنگ سسٹم، سی ایمبولینس اور پٹرولنگ بوٹس کی خریداری کے ٹھیکے گھر اور سٹرکیں بنانے والی ان کمپنیوں کو دیئے جو نہ تو مرکنٹائل میرین ڈیپارٹمنٹ سے رجسٹرڈ تھیں اور نہ ہی اس شعبے کے خاطر خواہ مطلوبہ تجربہ اور اہلیت کی حامل تھیں۔
مزید یہ کہ کام کی تکمیل اور بوٹس ،متعلقہ مشینری اور اشیاء کی وصولی کے بغیر مئی اور جون کے مہینے میں خلاف قوانین بھاری ادائیگیاں بھی کردی گئیں
۔
محکمہ کوسٹل ڈویلپمینٹ اینڈ فشریز اور فشریز کی ان بےقاعدگیوں کانوٹس لیتے ہوئے نیب بلوچستان کی تحقیقاتی ٹیم نے ڈی جی نیب بلوچستان فرمان اللہ خان کی ہدایات اور چئرمین نیب جسٹس جاوید اقبال کی منظوری سے انتہائی جانفشانی سے کام کرتے ہوئے ملزمان کی کرپشن کا سراغ لگا لیا۔
نیب بلوچستان نے مرکزی ملزمان سے مزید حقائق کی جانکاری کے لیے سابقہ سیکرٹری محکمہ کوسٹل ڈویلپمینٹ اینڈ فشریز اور ڈی جی فشریز کو گرفتار کر کے نیب آفس منتقل کر دیا ہے، ملزمان کو احتساب عدالت پیش کرکے ریمانڈ حاصل کیا جائے گا۔