اسپیکر بلوچستان اسمبلی قدوس بزنجو نے سینیٹر کلثوم پروین کی خالی نشست پر الیکشن روکنے لیے چیئرمین سینیٹ اور چیف الیکشن کمشنر کو خط دیا۔

قدوس بزنجو کی جانب سے چیئرمین سینیٹ اور چیف الیکشن کمشنر کو لکھے گئے خط کے متن میں کہا گیا ہے کہ الیکشن کمیشن نے سینیٹ کی خالی نشست پر 14جنوری کو انتخاب کا شیڈول جاری کر رکھا ہے، مگر کورونا وائرس کی لہر کے باعث انتخاب ممکن نہیں ہے۔

اسپیکر بلوچستان اسمبلی نے خط میں کلثوم پروین کی خالی نشست پرالیکشن روکنےکی استدعا کرتے ہوئے کہا ہے کہ الیکشن کمیشن اپنے جاری کردہ شیڈول پر نظر ثانی کرے۔

قدوس بزنجو کی جانب سے لکھے گئے خط میں کہا گیا ہے کہ کلثوم پروین کی خالی نشست 11 مارچ کو ویسے ہی ختم ہو رہی تھی اور فروری 2021 ء میں سینیٹ الیکشن شیڈول ہیں، لہذا خالی نشست پر ایک ہی بار انہی دنوں میں الیکشن کرایا جائے۔

چیئرمین سینیٹ نے سینیٹر کلثوم پروین کی خالی نشست پر انتخاب کا معاملہ الیکشن کمیشن کے سپرد کر دیا۔