کوئٹہ: بلوچستان کے ضلع بولان کی تحصیل مچھ میں نامعلوم افراد کی فائرنگ سے11 مزدوروں کی ہلاکت پر ورثا نے احتجاج کرتے ہوئے کوئٹہ سبی شاہراہ کو بند کر دیا ہے۔
مچھ واقعے میں جاں بحق افراد کے ورثا کا لاشیں قومی شاہراہ پررکھ کر احتجاج کر رہے ہیں جس کے باعث قومی شاہراہ بند ہے۔
خیال رہے کہ آج صبح بلوچستان کے ضلع بولان کی تحصیل مچھ نامعلوم افراد نے فائرنگ کر کے 11 مزدوروں کو ہلاک کردیا تھا۔
پولیس کا کہنا ہے کہ نامعلوم مسلح افراد نے کاکنی کرنے والے مزدوروں کو نزدیکی پہاڑی میں لے جاکر فائرنگ کا نشانہ بنایا۔
نامعلوم افراد نے انہیں اغوا کیا اور دوسرے مقام پر لے گئے۔ ابتدائی اطلاع کے مطابق مزدوروں کو گولیوں کا نشانہ بنایا گیا جن میں سے11 دم توڑ گئے ہیں۔