کوئٹہ: گورنر امان اللہ یاسین زئی نے کہا ہے کہ مطالعہ اور ریسرچ سے ذوق و شوق رکھنے والے نت نئی ایجادات آرٹیفیشل انٹلیجنس اور بائیو ٹیکنالوجی کی نئی کتابوں سے ضرور رہنمائی حاصل کریں. سردار بہادر خان وویمن یونیورسٹی کو ملک کی بہترین یونیورسٹیز کی صف لانے کیلئے اب بھی بہت کچھ کرنا باقی ہے. ان خیالات کا اظہار انہوں نے جمعرات کے روز سردار بہادر خان وویمن یونیورسٹی کے دورہ کے موقع پر کیا۔
وویمن یونیورسٹی کی وائس چانسلر ڈاکٹر ساجدہ نورین، پرنسپل سیکرٹری ٹو گورنر شاہنواز علی بھی ان کے ہمراہ تھے. گورنر بلوچستان نے کہا کہ کسی بھی سرکاری ادارے کا باقاعدہ دورہ کرنے سے ہی اسکی کارکردگی، عملے کی حاضری اور صفائی کی صورتحال کو بہتر انداز میں جانچا جاسکتا ہے. یونیورسٹی کی کارکردگی سے متعلق بریفنگ کے دوران گورنر بلوچستان نے کہا کہ اگرچہ وویمن یونیورسٹی کے امور ومعاملات اور کارکردگی میں خاصی بہتری آئی ہے ۔
تاہم کارکردگی کی مزید بہتری کیلئے اقدامات اٹھائے جائے. انہوں نے کہا کہ اساتذہ اکرام کی تعیناتی اور پروموشن میں میرٹ کا خصوصی طور پر خیال رکھا جائے. انہوں نے کہا کہ محدود وسائل کے باوجود ۔
تعلیمی معیار بلند کرنے اور تعلیمی ماحول کو فروغ دینے کے حوالے سے وائس چانسلر اور ان کی پوری ٹیم کی انتھک کاوشیں لائقِ تحسین ہیں. قبل ازیں اپنے دورہ کے موقع پر گورنر بلوچستان نے وویمن یونیورسٹی میں سنٹرل لائبریری کا افتتاح کیا اور یونیورسٹی آڈیٹوریم، ماڈل سکول، ڈے کئیر سینٹر اور زیر تعمیر ہاسٹلوں کا دورہ بھی کیا۔