خضدار: کوئٹہ کراچی قومی شاہراہ پر ڈرکھالہ کے قریب کار اور پک اپ میں تصادم ،ایک شخص جاں بحق پانچ زخمی ہو گئے ،تفصیلات کے مطابق ڈرکھالہ کے مقام پر کوئٹہ سے کراچی جانے والی کار اور مخالف سمت سے آنے والی پک اپ میں تصادم ہوا ۔
جس کے نتیجے میں کار میں سوار میاں خان ولد عبدالمنان موقع پر جاں بحق ہو گئے جبکہ پک اپ میں سوار خدا بخش ،جنید ،محمد اختر ساکنان اورناچ کار میں سوار عصمت اللہ اور میر وائز زخمی ہو گئے نعش اور زخمیوں کو سول ہسپتال وڈھ منتقل کر دیا گیا جہاں ضروری کاروائی کے بعد ورثاء کے حوالہ کر دیا گیا ۔