خضدار: لیویز فورس باغبانہ کی کارروائی ،فائرنگ کے تبادلہ کے بعد اشتہاری ملزمان گرفتار کلاشنکوف برآمد لیویز زرائع کے مطابق ہفتہ اتوار کی درمیانی شب لیویز فورس نے ساسول کے مقام پر اشتہاری ملزمان کی گرفتاری کے لئے چھاپہ ماری اس دوران ملزمان نے لیویز فورس کے جوانوں پر فائرنگ کی۔
مگر لیویز فورس نے حکمت عملی اپناتے ہوئے اشتہاری ملزمان محمد انور اور عبدالفتاح کو گرفتار کر کے ان کے قبضے سے ایک کلاشنکوف اور راونڈ برآمد کر لیا ملزمان پر مولہ میں دو افراد کے قتل اور باجوئی باغبانہ میں ایک گھر پر فائرنگ کرنے کے الزامات پر مقدمات درج ہیں لیویز نے اسلحہ برآمدگی اور لیویز فورس پر فائرنگ کرنے کے الزامات میں ملزمان کے خلاف مقدمہ درج کر کے ملزمان سے تفتیش شروع کر دی ۔