مستونگ: مستونگ کے علاقے میں قومی شاہراہ پر پولیس کی گشتی پارٹی پر نامعلوم افراد کا حملہ فائرنگ سے دو پولیس اہلکار شہید جبکہ ایک اہلکار زخمی ہوا ۔تفصیلات کے مطابق گزشتہ شب مستونگ کے علاقے میں چوتو کے مقام پرسٹی پولیس کی گشتی پارٹی پر نامعلوم افراد نے اس وقت حملہ کیا جب وہ معمول کی گشت پر تھے ۔
مسلح افراد واقعہ کے بعد فرار ہونے میں کامیاب ہوگئے۔فائرنگ سے پولیس موبائل میں سوارہیڈ کانسٹیبل امداد علی اور کانسٹیبل نذیر احمد شہید ہوگئے جبکہ ڈرائیور شدید زخمی۔شہید اور زخمی کو سول ہسپتال منتقل کر دیا گیا۔واقعہ کے بعد پولیس نے علاقے کو گھیر ے میں لیکر ملزمان کی تلاش شروع کردی تاہم رات گئے تک کوئی گرفتاری عمل میں نہیں آسکی ۔